सामाजिक सञ्जाल मार्फत रंगशाला निर्माण गर्न आर्थिक संकलन अभियान, एकैदिन साँढे ४ लाख संकलन
सहयोगको अपिल
नारायण ढुंगाना, चितवन, ५ मंसिर । चितवनको पश्चिम क्षेत्रमा पर्ने चित्रवन नगरपालिकामा रंगशाला निर्माणका लागि सामाजिक सञ्जालको प्रयोग गरेर आर्थिक संकलन अभियान थालिएको छ । विदेशमा बस्ने नेपालीहरुद्धारा सामाजिक सञ्जालमार्फत आर्थिक संकलन अभियान शुरुभएको हो ।
गैर आवासिय नेपाली संघ अन्तराष्ट्रिय समन्वय परिषद (एनआरएनए) का केन्द्रिय सदस्य सोमनाथ सापकोटाको नेतृत्वमा आर्थिक संकलन अभियान थालिएको हो ।
शनिवारबाट शुरु अभियानको एकैदिन रु साँढे ४ लाख बढी आर्थिक संकलन भएको अभियानका अन्तराष्ट्रिय संयोजक सापकोटाले जानकारी दिनभयो । सापकोटाका अनुसार एक महिनासम्म अभियान चलाईने छ । अभियानका लागि विभिन्न देशमा संयोजक समेत तोकिएको छ ।
मिडिया संयोजकमा विष्णु चापागाई तोकिएको छ । कतार संयोजकमा प्रकाश अर्याल, युएई संयोजकमा गणेश न्यौपाने र सुनिल पौडेल, बहराईनमा बेदराज पौडेल,,ईजरायलमा शान्ता ज्ञवाली र नयन सापकोटा, मलेसियामा रवि भट्टलाई संयोजक तोकिएको छ ।
यस्तै कुबेतमा डिवि लोप्चन र नविन लोप्चन, साईप्रसमा जोशु पुन मगर र कविता ढकाल, कोरियामा सुलभ पोखरेल र दिलकुमार श्रेष्ठ, आयरल्याण्डमा चेतराज वली, चेक रिपल्लिकमा जितेन्द्र रायमाझी तथा बेल्जियममा कृष्णप्रसाद रेग्मीलाई संयोजक तोकिएको छ ।
चितवन युवा समुह अन्तराष्ट्रिय समन्वय समितिको संयोजनका थालिएको अभियानका क्रममा विभिन्न देशका प्रतिनिधिहरुलाई स्थानिय संयोजकको जिम्मा दिईएको छ । समितिका अध्यक्ष मुक्तिप्रदाद अधिकारीले सहयोगका लागि सबैलाई अपिल गर्नुभएको छ ।
चितवनको पर्यटन र समृद्धिका लागि तथा विकासका लागि यो रंगशाला आफैंमा महत्वपूर्ण हुने सापकोटाले भन्नुभयो ।
रंगशालाका लागि आर्थिक संकलन सकिएपछि तुरुन्तै चितवनको भरतपुर स्थित प्रदर्शनी केन्द्र निर्माणका लागि विदेशमा अभियान चलाईने उहाँले बताउनुभयो ।
नेपाल सरकारको एक निर्वाचन क्षेत्रमा एक खेलकुद मैदान अबधारणा अनुसार यहाँ निर्माण शुरु भएको खेलबुद मैदानका लागि करिव रु ३ करोड खर्च लाग्ने अनुमान छ ।
चित्रवन रंगशाला निर्माण समिति र चित्रवन युवा तथा खेलकुद विकास समितिले अहिले रंगशाला निर्माणका लागि काम गरिरहेको चित्रवन नगरपालिकाको वडा नम्वर ५ गौचरनमा १० विगाहा क्षेत्रमा खेलकुद मैदान निर्माणका लागि शिलान्यास भएर निर्माण कार्य जारी छ ।
हाईजम्प, लङजम्प, फुटवल, भलिवलका कोट निर्माण भैसकेको रंगशाला निर्माण समितिका अध्यक्ष टुकमान गुरुङले जानकारी दिनुभयो । ‘सर्वदलिय निर्णय नै गरेर काम थालिएको छ, गुरुङले भन्नुभयो, सरकारबाट रु १५ लाख सहयोग समेत आईसक्यो ।’
उहाँले यो बर्ष राष्ट्रिपति रनिङशिल्ड प्रतियोगिता समेत यहाँ सञ्चालन हुने बताउनुभयो । जिल्ला खेलकुद विकास समितिका अध्यक्ष गंगा लामा क्षेत्रीय स्तरको रंगशालाका लागि समितिमार्फत पनि सहयोग संकलन चलिरहेको बताउनुभयो । उहाँले यहाँ रंगशाला शिलान्यास भएर प्याराफिट निर्माणको काम समेत शुरु भएको बताउनुभयो ।
यहाँ ९५ मिटरको प्याराफिट बनाईने छ । करिव ३ हजार दर्शक अट्ने गरी निर्माण थालिएको निर्माण समितिले जनाएको छ ।
समाचार साभार A2z समाचार.com बाट ।
सहयोगी दाताहरुको नामावली निम्न छ
