बालक्लवमा लागेकोलेनै हो आज म रेडियो मध्यबिन्दुमा कार्यक्रम सञ्चालन गरेकी छु । - योगिता भुषाल (तस्बीरहरु सहित)
जागृति बाल क्लब नेपाल अध्यक्ष योगिता भुषाल बर्ष १७ ,
- दीपक शर्मा
गहुँगोरी बर्णकी योगिता भुषाल अहिले १८ बर्षमा हुुनुहुन्छ र हाल उहाँले जागृति बाल क्लव नेपालको अध्यक्ष पदमा रही कामहरु सम्पन्न गर्नुभएको छ । सानो उमेरबाट नै बालक्लवमा आबद्ध भएकी उनी जनज्योति मा बि. प्रगतिनगरमा रहेका बाल अधिकार मञ्चमा आबद्ध भएपश्चात बालक्लवमा उनको कथा सुरु भएको हो । सुरु सुरुमा बोल्नको लागि डर लाग्ने र कार्यक्रमहरुमा समेत सहभागिता नगर्ने उनले अहिले नवलपरासीको मध्यबिन्दु एफ एम मा कार्यक्रम सञ्चालन गर्दछीन् , यो सबै गर्न सफल भएको बालक्लबनै हो भनेर उनी अहिले पनि हाँसेर भन्छीन् । साच्चै बालक्लवमा लागेर पढाई बिग्रन्छ र भन्ने प्रश्नमा उनी निराश हुँदै भनीन त्यस्तो त होईन तर अलिकती घर समुदायले हेर्ने दृष्टिकोणले गर्दा भने कहीले कहीले नराम्रो लाग्ने र पढाईमा ध्यान नदिदाँ त्यस्तो हुन्छ तर म केही गर्न सक्छु भन्ने बन्नको लागि बालक्लवले मलाई धेरै नै सहयोग नै गरेको छ । बालक्लवमा नै लागेर धेरै राम्रो राम्रो कार्यक्रमहरुमा सहभागिता जनाउने र केही कुराहरु राख्न सक्ने भएको छु । नवलपरासी जिल्लामा भएको शान्ति निर्माण प्रकृयामा बालबालिका र युवाहरुको सहभागिता के रहेको थियो भन्ने मुल्याँकन समुहमा सदस्य भई करीब ५ महिना यहाँका बालक्लव र युवा क्लवमा जाने मौका मिल्यो र यसबाट पनि हामीले कती नेतृत्व बिकास गरेका रहेछौ र किन आवश्यक छ भन्ने लागेको छ । साच्चिकै बालक्लवमा लागेर पढाई बिग्रने भन्दा पनि यसले हाम्रो ब्यक्तीत्व बिकास गरेको छ र यसको प्रभाब नै हो आज म रेडियो मध्यबिन्दुमा कार्यक्रम सञ्चालन पनि गरेको छु र सबैको अगाडी नै आफ्नो कुराहरु राख्ने गरेको छु ।
बालक्लव नै बालबालिकाहरुको चौतर्फी बिकासको लागि महत्वपुर्ण स्थान हो । पढाई र अन्य क्रियाकलापमा समेत बालबालिकाहरुको अर्थपुर्ण बाल सहभागिता गराउनु हामी सबैको दायित्व हो ।
