खै किन हो मान्छेले आफ्नो जीवन आफै सिध्याऊछ।
खै किन हो मान्छेले आफ्नो जीवन आफै सिध्याऊछ
- Shiva Tandukar , Japan
कस्तो बाध्यता भयो तिमीलाई ? जुन झेल्न नसक्ने,
कस्तो चोट पर्यो तिमीलाई ? जुन सहन नसक्ने ।
सुन्दर सपनाको पोको बोकी तिमी जापान सम्म आयौ,
कस्तो परिस्थिति पर्यो तिमीलाई ,आफूलाई बचाई राख्न नसक्ने ?
बाँच्ने रहर हुदाहुदै मर्नु पर्ने हजारौ मान्छे छ संसारमा,
तर हुदाखादाको जीवन समाप्त पर्यो किन परदेशमा ?
तिम्रो जीवनमा अधिकार तिम्रो मात्र थिएन, जुन समाप्त पार्यौ,
तिम्रो जन्मदाताको पनि उतिकै अधिकार थियो, तर तिमीले त घात गर्यौ ।
एक पटक पाएको जुनी, समाप्त गरे फेरी कहाँ पाईन्छ र ?
आत्माकोनै हत्या गरेछौ, श्रद्घाञ्जली बाहेक अरू के नै भन्न सकिन्छ र ?
जुन खबर यो कानले सुन्नु नपरोस् भन्छु,
जुन खबर कहि कतै पढ्न नपरोस् भन्छु ।
तर यस्तै दुखद र अप्रिय खबर बारम्बार आऊछ,
खै किन हो मान्छेले आफ्नो जीवन आफै सिध्याऊछ ?
खै किन हो मान्छेले आफ्नो जीवन आफै सिध्याऊछ ?
