Miss You Nepal

नेपालबाट टाढा हुदैमा के भयो र, हाम्रो मन त नेपालमै छ नि । बिश्वका जुनसुकै मुलुकमा गएर बसेपनि, जति नेपालबाट टाढा भईन्छ त्यतिनै नेपालको माया लाग्छ  । बांके स्थाई घर हुनुभएको प्रतिष्ठा गौतम हाल अष्ट्रेलियाको एडिलेटमा बसोबास गर्नुहुन्छ । उहांले एडिलेटमै एकिकृत नमुना मुसहर बस्ती निर्माणका लागी धुर्मुस सुन्तली फाउण्डेसनलाई ३२५ अष्ट्रेलियन डलर सहयोग गर्नुभएको छ । उहांले दिनुभएको यस सहयोग रकम प्रति हामी नतमष्तक छौ ।

हरेक नेपाली देशलाई लिएर अवश्य चिन्ता गर्छन । उसलाई नेपाल सुन्दर बनिदिए हुन्थ्यो भन्ने जरुर लाग्छ । र त नेपालका हरेक निर्माण कार्यमा साथ र सहयोग गदै आईरहेका हुन्छन् । नेपालीहरु बिश्वका जुनसुकै देशमा भएपनि नेपालको भन्दा बढि कसैको माया लाग्दैन् । यसकै एउठा उदाहरण हुनुहुन्छ नेपालकि सरिता खड्का, जो अहिले अष्ट्रेलियाको एडिलेटमा बसोबास गदै आउनुभएको छ । उहांले आफु र आफ्ना साथीहरुबाट एकिकृत नमुना मुसहर बस्ती निर्मँणका लागी केहि सहयोग रकम संकलन गर्नुभएको छ । उहांले संकलित ४१७ अष्ट्रेलियन डलर धुर्मुस सुन्तली फाउण्डेसनलाई दिनुभएको छ । उहांको यस सहयोग प्रति हामी निकै खुसी छौ । सहयोग गर्नुहुने सम्पुर्णमा हार्दिक धन्यवाद दिन चाहान्छौ ।

अभाव त त्यतिबेला हुन्छ, जतिबेला नेपाल बाहिर रहेर पनि नेपाली माया खोजिन्छ । त्यही नेपाली माया र नेपाल प्रतिको सद्भावले हामीलाई देशको निर्माणमा हातेमालो गर्न सुझाउछ । मोरङ्ग स्थाई घर भई हाल अष्ट्रेलियाको एडिलेटमा बसोबास गर्नुहुने तेज धिमाल र सजनी सिहंले एकिकृत नमुना मुसहर बस्ती निर्माणका लागी धुर्मुस सुन्तली फाउण्डेसनलाई दिनुभएको १५७ अष्ट्रेलियन डलर सहयोग प्रति हामी निकै कृतज्ञ छौ ।