Miss You Nepal

अभाव त त्यतिबेला हुन्छ, जतिबेला नेपाल बाहिर रहेर पनि नेपाली माया खोजिन्छ । त्यही नेपाली माया र नेपाल प्रतिको सदभावले हामीलाई देशको निर्माणमा हातेमालो गर्न सुझाउछ । काठमान्डौ स्थाई घर भई हाल अष्ट्रेलियामा बसोबास गर्नुहुने जितेन श्रेष्ठ तथा उहांको परिवारको तर्फबाट हाम्रो अष्ट्रेलियाको बसाई सकेर नेपाल फर्कने क्रममा सिड्नी विमानस्थलमै आउनुभई एकिकृत नमुना मुसहर बस्ती निर्माणका लागी दिनुभएको १००० अष्ट्रेलियन डलर सहयोग प्रति हामी निकै कृतज्ञ छौ ।

सहयोग गर्न सम्पति चाहिदैन्, मन भए पुग्छ । एउटा मन बाट सुरु हुदै गएको सहयोगी मनहरु सयौ भएपछि त्यो सानो सहयोग पनि कसैको लागी ठुलो भैदिन्छ । थार्पु-३ पांचथर स्थाई घर भई हाल अष्ट्रेलियाको एडिलेटमा बसोबास गर्नुहुने नबिन काम्बाङ्गले एकिकृत नमुना मुसहर बस्ती निर्माण लागी धुर्मुस सुन्तली फाउण्डेसनलाई गर्नुभएको १०१ अष्ट्रेलियन डलर सहयोग प्रति हामी निकै कृतज्ञ छौ ।

नेपाली कलाकारहरु पनि देश निर्माणमा कति सकृय छन् भनेर जान्न चाहने हरुका लागी एक उदाहरण हुनसक्छ यो सहयोग । जसका आयोजक मित्रहरुले नाचौं गाउ रमाईलो सांझ कार्यक्रम आयोजना गरि, सो कार्यक्रमबाट उठेको केहि रकम धुर्मुस सुन्तली फाउण्डेसनलाई एकिकृत नमुना मुसहर बस्ती निर्माणका लागी पठाउनु भएको छ । जसमा अशोक केसी, दिपक लामा, दिपक बिष्ट, दिलिप पोखरेल र नरेश खनालले उक्त कार्यक्रमबाट उठेको रकम बाट आएको नाफा ४१० अष्ट्रेलियन डलर हामिलाई पठाउनु भएको छ । उहांहरुको यस सहयोग प्रति हामी हृदय देखिनै धन्यवाद दिन चाहान्छौ । र सबै सहयोगी मनहरुलाई पनि हार्दिक धन्यवाद दिन चाहान्छौ ।