Miss You Nepal

धेरै नेपालीहरु आफ्नो देश निर्माणका लागी हातमा हात मिलाएर अगाडि बढ्न चाहान्छन् । त्यस्तै एक समुह, जसले निर्माण कार्यमा एउटा ईट्टा थप्ने काम गर्नुभएको छ । झापा, विर्तामोड नगरपालीका २ स्थाई घर भएका देबराज ओली हाल बेलायतको रिडिङ्गमा बसोवास गर्नुहुन्छ । उहांले राष्ट्र निर्माणका लागि रिडिङ्गबासीहरुबाट सहयोग रकम उठाएर धुर्मुस सुन्तली फाउण्डेशनलाई सहयोग पठाउनु भएको छ । रिडिङ्गबाट भिमसेन खड्का र रिडिङ्ग ब्याईको सहयोगमा देबराज ओलीले प्रतिनिधित्व गदैं सम्पुर्ण रिडिङ्ग बासीबाट उठेको ५ लाख ४० हजार ७ सय रुपैया सहयोग हामीलाई प्रदान गर्नुभएको छ । सहयोग संकलनका लागि सहयोग गर्नुहुने देबराज ओली तथा भिमसेन खड्कालाई हार्दिक धन्यवाद दिदैं सहयोग गर्नुहुने सम्पुर्ण सहयोगी मनहरुप्रति हार्दिक कृतज्ञता ब्यक्त गर्दछौ ।

सहयोग गर्न सम्पती चाहिदैन् मात्र मन भए पुग्छ । खुसी त त्यति बेला मिल्छ जतिबेला कसैको मुहारमा आफुले दिएको सहयोगले खुसी भरिएको भाव देख्न सकिन्छ । याङ्गाल मञ्जुश्री काठमान्डौ बसोवास गर्नुहुने शिवसंकर श्रेष्ट र कविता श्रेष्ठले एकिकृत नमुना मुसहर बस्ती निर्माणका लागि धुर्मुस सुन्तली फाउण्डेशनलाई ३० हजार रुपैया सहयोग प्रदान गर्नुभएको छ । उहांहरुको यस सहयोग प्रति हामी निकै कृतज्ञ छौ । सहयोगका लागि सम्पुर्ण परिवारलाई हार्दिक धन्यवाद दिन चाहान्छौ ।

खैरेनी, चितवन स्थाई घर भई हाल अष्ट्रेलियाको मेलवर्नमा बसोवास गरिरहुन भएका मुकुन्द अर्याल र लक्ष्मी अर्यालले आफ्नो छोरा रिसव अर्यालको जन्मदिनको अवसर पारेर धुर्मुस सुन्तली फाउण्डेशनले निर्माण गरिरहेको महोत्तरीको बर्दिवासमा रहेको एकिकृत नमुना मुसहर बस्ती निर्माणका लागि ५० हजार २ सय रुपैया सहयोग पठाउनु भएको छ । उहांहरुको यस सहयोग प्रति हामी निकै कृतज्ञ छौ । सहयोगका लागि सम्पुर्ण परिवारलाई धन्यवाद दिदैं रिसव अर्याललाई हाम्रो तर्फवाट पनि जन्मदिनको शुभकामना दिन चाहान्छौ ।