Miss You Nepal

दक्षिण  कोरिया को दक्षिणी भेग गजेदो मा  अवस्थीत  'डेउ सिप विल्डिङ्ग एण्ड मरिन इन्जिनियरिङ कम्पनी' कोरिया मै सर्वाधिक नेपालीहरु कार्यरत कम्पनी हो। उक्त कम्पनीमा ८०० जना भन्दा बढी  नेपाली कामदारहरु कार्यरत छन । सोही कम्पनीमा कार्यरत नेपाली हरु को  साझा संस्था ‘डेउ नेपाली एकता समाज’ स्थापना काल देखि नै  बिभिन्न रचनात्मक तथा सामाजिक परोपकार का  कार्यहरु गरेर आफ्नो छुट्टै परिचय दिन सफल भएको संस्था हो। उक्त संस्थाले धुर्मुस सुन्तली फाउण्डेशनले संचालन गरिरहेको महोत्तरीको बर्दिवासमा रहेको एकिकृत नमुना मुसहर बस्ती निर्माणका लागि ३ लाख ३९ हजार २ हजार ३९ रुपैया सहयोग गरेको छ । सहयोग संकलनमा सहयोग गर्नुहुने उक्त संस्थाका अध्यक्ष अंशुबर्मा लिम्बुलाई हार्दिक धन्यवाद दिन चाहान्छौ र सम्पुर्ण सहयोगी मनहरुलाई पनि हार्दिक धन्यवाद दिन चाहान्छौ । सहयोग रकम हामीसम्म ल्याउन सहयोग गर्नुहुने कुवेर लिङदेन, मोहन पण्डित, टिर्थ राज पाण्डे, बिजेन्द्र खांड, राजकुमार देउवा पत्रकार टिका भुजेल, राम प्रसाद अधिकारी र नारायण खनाललाई पनि हार्दिक धन्यवाद दिन चाहान्छौ ।

अधिंकाश नेपालीहरु अहिले बिदेशी भुमिमा रोजगारीको सिलसिलामा बसोबास गरिरहेका छन् । उहांहरु हरेकलाई देशबाट टाढा हुंदापनि देशप्रतिको माया र स्नेहमा भने कुनै कमि आएको छैन् । नेपालीहरु जुनसुकै मुलुकमा भएपनि एकजुट भएर नेपालको निर्माण कार्यमा ईट्टा थप्ने काम गरिरहनु भएको हुन्छ । सांग्रीला होटल आबुधावी दुवईमा काम गर्ने नेपालीहरुको समुहले देश निर्माणका लागि सहयोग संकलन गरी एकिकृत नमुना मुसहर बस्ती निर्माणका लागि धुर्मुस सुन्तली फाउण्डेशनलाई १ लाख २७ हजार ७ सय १५ रुपैया सहयोग पठाउनु भएको छ । उहांहरुले पठाउनु भएको यस सहयोग प्रति हामी निकै कृतज्ञ छौ । सम्पुर्ण सहयोगीहरुलाई हातमा हात मिलाएर निर्माण कार्यमा साथ दिनुभएकोमा सांग्रीला होटलमा काम गर्ने सम्पुर्ण नेपाली दाजुभाई तथा दिदिबहिनीहरुलाई हार्दिक धन्यवाद दिन चाहान्छौ ।

धेरै नेपालीहरु आफ्नो देश निर्माणका लागी हातमा हात मिलाएर अगाडि बढ्न चाहान्छन् । त्यस्तै एक समुह, जसले निर्माण कार्यमा एउटा ईट्टा थप्ने काम गर्नुभएको छ । झापा, विर्तामोड नगरपालीका २ स्थाई घर भएका देबराज ओली हाल बेलायतको रिडिङ्गमा बसोवास गर्नुहुन्छ । उहांले राष्ट्र निर्माणका लागि रिडिङ्गबासीहरुबाट सहयोग रकम उठाएर धुर्मुस सुन्तली फाउण्डेशनलाई सहयोग पठाउनु भएको छ । रिडिङ्गबाट भिमसेन खड्का र रिडिङ्ग ब्याईको सहयोगमा देबराज ओलीले प्रतिनिधित्व गदैं सम्पुर्ण रिडिङ्ग बासीबाट उठेको ५ लाख ४० हजार ७ सय रुपैया सहयोग हामीलाई प्रदान गर्नुभएको छ । सहयोग संकलनका लागि सहयोग गर्नुहुने देबराज ओली तथा भिमसेन खड्कालाई हार्दिक धन्यवाद दिदैं सहयोग गर्नुहुने सम्पुर्ण सहयोगी मनहरुप्रति हार्दिक कृतज्ञता ब्यक्त गर्दछौ ।