Miss You Nepal

राजगढ ३ बुट्टाबारी झापा स्थाई घर भई हाल ८ बर्ष देखी साउदी अरब, अल हासामा अलि मोहम्मद अल कोएतम कम्पनीमा कार्यरत लाख मान लामाले एकिकृत नमुना मुसहर बस्ती निर्माणका लागि धुर्मुस सुन्तली फाउण्डेशनलाई २० हजार ३ सय ३ रुपैया सहयोग पठाउनु भएको छ । उहांले पठाउनु भएको यस सहयोग प्रति हामी निकै कृतज्ञ छौं ।

सहयोग गर्न सम्पती चाहिदैन् मात्र मन भए पुग्छ । खुसी त त्यति बेला मिल्छ जतिबेला कसैको मुहारमा आफुले दिएको सानो सहयोगले खुसी भरिएको हुन्छ ।  रातोपुल, काठमाडौं स्थाई घर भई हाल अमेरिका बसोवास गरिरहनु भएका मदन प्रसाद श्रेष्ठले आफ्नी स्वर्गीय आमा सुर्य कुमारी श्रेष्ठको स्मृतिमा धुर्मुस सुन्तली फाउण्डेशनले निर्माण गरिरहेको एकिकृत नमुना मुसहर बस्ती निर्माणका लागि ७० हजार रुपैया सहयोग गर्नुभएको छ । उहांले दिल खोलेर गर्नुभएको यस सहयोग प्रति हामी निकै कृतज्ञ छौं ।

बिगत २ दशक भन्दा लामो समयदेखी निरन्तर फाईनान्स सेवामा सक्रिय मेचिनगर १०, काँकडभित्ता, झापामा रहेको नेपाल बहुउदेश्यीय सहकारी संस्था लिमिटेडले एकिकृत नमुना मुसहर बस्ती निर्माणका लागि धुर्मुस सुन्तली फाउण्डेशनलाई ५ लाख रुपैया सहयोग प्रदान गरेको छ । यस सहयोगले हामीलाई थप हौसला, जोश र जांगर बढाएको छ । सहयोग गर्नुभएकोमा संस्थाका अध्यक्ष सहित सम्पुर्ण पदाधिकारीहरुमा हार्दिक धन्यवाद ब्यक्त गर्न चाहान्छौं । जुन गतिमा संस्थाले झापा बासीहरुको मन र बिश्वास जितेको त्यसैगरी सधैं बिश्वास रहिरहोस र उत्तर उत्तर प्रगतिको कामना गर्दछौं ।