Miss You Nepal

अधिंकाश नेपालीहरु अहिले बिदेशी भुमिमा रोजगारीको सिलसिलामा बसोबास गरिरहेका छन् । उहांहरु हरेकलाई देशबाट टाढा हुंदापनि देशप्रतिको माया र स्नेहमा भने कुनै कमि आएको छैन् । नेपालीहरु जुनसुकै मुलुकमा भएपनि एकजुट भएर नेपालको निर्माण कार्यमा ईट्टा थप्ने काम गरिरहनु भएको हुन्छ । स्टार वल्र्ड होटल एण्ड क्यासिनो मकाउमा कार्यरत कर्मचारीहरुले संयुत्त रुपमा एकिकृत नमुना मुसहर बस्ती निर्माणका लागि धुर्मुस सुन्तली फाउण्डेशनलाई १ लाख २१ हजार १ सय २१ रुपैया सहयोग प्रदान गर्नुभएको छ । उहांहरुको यस सहयोग प्रति हामी निकै कृतज्ञ छौं । सम्पुर्ण सहयोगी मनहरुमा हार्दिक धन्यवाद दिदैं, सहयोग हामीसम्म ल्याउन सहयोग गर्नुहुने सम्पुर्ण होटल परिवारप्रति आभार ब्यक्त गर्दछौं ।

नेपालबाट टाढा हुदैमा के भयो र, हाम्रो मन त नेपालमै छ नि । बिश्वका जुनसुकै मुलुकमा गएर बसेपनि, जति नेपालबाट टाढा भईन्छ त्यतिनै नेपालको माया लाग्छ । खाङ्साङ्ग ९ सिन्धुली, स्थाई घर भई हाल बैदेशिक रोजगारीका लागि मलेसियाको जोहोरमा रहनुभएका सुवास थापा मगरले एकिकृत नमुना मुसहर बस्ती निर्माणका लागि धुर्मुस सुन्तली फाउण्डेशनलाई १४ हजार ६ रुपैया सहयोग दिनुभएको छ । उहांले दिनुभएको यस सहयोगले हामी निकै खुसी छौं । यस सहयोग प्रति सुवास थापा मगरलाई हार्दिक धन्यवाद दिन चाहान्छौं ।

दुबईमा रहेको ‘फष्ट सेक्युरिटी गु्रप कम्पनी’मा सेक्युरिटीको रुपमा काम गरिरहेका नेपालीहरु मिलेर खोलिएको ‘प्रवासी नेपाली सहयोग संगठन’बाट प्रत्यक सदस्यबाट हरेक महिना ५ दिरहाम को दरले रकम सङ्कलन गरि जम्मा भएको ३० हजार रकम धुर्मुस सुन्तली फाउण्डेशनलाई प्रदान गर्नुभएको छ । उक्त संस्थाले यसअघि पनि नेपालमा आएको बिनाशकारी महाभुकम्प पछि भुकम्प पिडितहरुका लागि बिभिन्न संस्थालाई पनि सहयोग गरेको थियो । संस्थाले हेल्प नेपाल नेटवर्कको माध्यमबाट पिडितहरुको लागि सक्दो आर्थिक सहयोग गरेको थियो भने दुबईमा ठगिएर दुख पाएका नेपाली चेली, स्वाथ्य उपचारको क्षेत्रमा पनि सहयोग गदै आईरहेको छ । सामाजिक कार्यका लागि उहांहरुले गर्नुभएको सहयोग सह्रानिय छ । उहांहरुले हामीलाई दिनुभएको सहयोगप्रति हार्दिक धन्यवाद दिन चाहान्छौं । र उहांहरुको यस कार्य निरन्तर अगाडि बढिरहोस भन्दै शुभकामना दिन चाहान्छौं ।