Miss You Nepal

नेपालबाट टाढा हुदैमा के भयो र, हाम्रो मन त नेपालमै छ नि । बिश्वका जुनसुकै मुलुकमा गएर बसेपनि, जति नेपालबाट टाढा भईन्छ त्यतिनै नेपालको माया लाग्छ । हेलम्बु, लाङ्ताङ्ग स्थाई घर भई हाल हङकङ बसोवास गरिरहनु भएकी ल्हाक्पा धिकी ‘लिसा’ ह्लोमोले एकिकृत नमुना मुसहर बस्ती निर्माणका लागि धुर्मुस सुन्तली फाउण्डेशनलाई १० हजार १ सय ५० रुपैया सहयोग पठाउनु भएको छ । उहांले पठाउनु भएको उक्त सहयोग प्रति हामी निकै कृतज्ञ छौं । सहयोग प्रति लिसालाई हार्दिक धन्यवाद दिन चाहान्छौं ।

नवलपरासी, भैसाखोरी ५ स्थाई घर भई हाल परिवार सहित जापानको टोकियो सहरमा बसोवास गर्नुहुने तिलक राम जैसीले आफ्नो सम्पुर्ण परिवारको तर्फबाट महोत्तरीको बर्दिवासमा निर्माण भईरहेको एकिकृत नमुना मुसहर बस्ती निर्माणका लागि धुर्मुस सुन्तली फाउण्डेशनलाई दिनुभएको ५६ हजार २ सय ८६ रुपैया सहयोग प्रति हामी नतमष्तक छौं । सहयोगका लागि सम्पुर्ण परिवारलाई हार्दिक धन्यवाद दिन चाहान्छौं ।

सहयोग गर्दा मनलाई त्यतिबेला आनन्द मिल्छ, जतिबेला आफ्नो सहयोगले कसैलाई खुसी मिलेको हुन्छ । सहयोग गर्ने मन सबै भन्दा माथि नै हुन्छ । यस्तै सोचका साथ गोंगवु काठमान्डौ बसोवास गरिरहनु भएकी मेनुका खड्काले एकिकृत नमुना मुसहर बस्ती निर्माणका लागि धुर्मुस सुन्तली फाउण्डेशनलाई ५ हजार रुपैया सहयोग गर्नुभएको छ । उहांले दिनुभएको यस सहयोग प्रति हामी निकै कृतज्ञ छौं ।