Miss You Nepal

हार्दिक अपिल
‘बिपदमा सबै नेपाली जुट्यौं अनिवार्य
मानवता र सद्भावका लागि सहकार्य’
हिमाल पहाड तराई कोही छैनौं पराई । तराईमा अविरल बर्षाका कारण केही स्थान पुरै डुवानमा परेर धेरै जना मानिसहरु पिडामा परेका छन् । उहाँहरुको उद्धार तथा राहत वितरणका लागि हामी धुर्मुस सुन्तली फाउण्डेशनबाट त्यसतर्फ राहतका प्याकेज लिएर जाने निर्णय गरेका छौं । यदि तपाईहरु पनि ब्यक्तिगत तथा संस्थागत रुपमा सहकार्य गर्न चाहानुहुन्छ भने हाम्रो फाउण्डेशनको सम्पर्क नं. ०१४४८१६२२, ९८४१२२९९१२ मा सम्पर्क गर्न सक्नुहुनेछ । साथै सहकार्य गर्न चाहने महानुभावहरुका लागि फाउण्डेशनको कृषि बिकास बैंकको खाता नं. ०२१०६००७५१३३८०१५ रहेको जानकारी पनि गराउँदछौं ।
आपतमा परेकाहरुका लागि हाम्रो यस अभियानमा तपाईहरुको साथ र सहयोगको अपेक्षा राखेका छौं ।

भुकम्प गए लगतै काँडाघारी स्थीत युवाहरु द्धारा गठित हाम्रो मद्धत्त नामक समूहले भुकम्प पिडितहरुलाई राहत वितरण गर्ने कार्य गरेको थियो र त्यसै क्रममा बाँकी हुनआएको रकम  धुर्मुस सुन्तली फाउण्डेशनले निर्माण गर्न लागेको ‘अब विश्वले चिन्नेछ नेपाल, नेपालभित्रको नेपाल नमुना नेपाल’ निर्माणका लागि ७० हजार रुपैंया सहयोग प्रदान गर्नुभएको छ । उहाँहरुले गर्नुभएको यस सहयोग प्रति हामी निकै कृतज्ञ छौं । आउनुहोस तपाई पनि हातेमालो गरौं ।
यो सम्भव छ, तपाई हाम्रै सहकार्यमा
राष्ट्र निर्माण, तपाई हाम्रो अभियान’

आज साउन २६ गते रुपेश लामा तामाङ र उहांकी श्रिमतीले आफ्नो छोरी रुश्रिना तामाङको पहिलो जन्मदिनकोे अवसरमा धुर्मुस सुन्तली फाउण्डेशनले निर्माण गर्न लागेको ‘अब विश्वले चिन्नेछ नेपाल, नेपाल भित्रको नेपाल नमुना नेपाल’ निर्माणका लागि ५हजार ५ सय रुपैयाँ सहयोग प्रदान गर्नुभएको छ । यस सहयोगले हामीलाई अझै धेरै हौसला प्राप्त हुनुका साथै सहयोगी मनहरुमा हार्दिक धन्यवाद ज्ञापन गर्दछौं ।