हे खहरेखोला .....

लघुकबिता ।

हे खहरेखोला .....
उफ्रदै ,
कराउँदै,
चिच्याँउदै,गड्गडाउँदै
ढुङ्गा,माटो ,काठपात
रुखका हाँगाबिगा
ईत्यादी
फोहोरमैला सहित
हुत्हुत्तिएर झरेका
हे खहरेखोला ....
म कहाँ मिसिन नआउ ..!
किनकी ,
म आफ्नै रफ्तारमा,
आफ्नै स्वभावमा
शालिन बनेर
निश्चल भएर
एकनासले सुसाउदै
बगिरहेकी पबित्र गण्डकी हुँ !
त्यसैले ,
बिन्ती !
केही महिनाका निम्ती आएर
मेरो जीन्दगी धमिलो नबनाईदेउ
मलाई बिटुलो नबनाईदेउ !!
हे खहरेखोला ....
तिम्लाई मेरो अनुरोध छ !!!

-सबु आरोही
वालिङ , स्याङ्जा