यी हुन शरीरलाई न्यानो राख्ने मसला (भान्सामै औषधी)

शरीरलाई न्यानो राख्ने मसला (भान्सामै औषधी)
स्वास्थ्य खबरपत्रिका २०७३ मङ्सिर ३ शुक्रबार प्रकाशित 

जिरा
जिराले शरीरलाई भित्रैदेखि तातो राख्ने भएकाले जिराले दाल झान्ने, यसलाई तरकारी र सुपमा हालेर पकाउने आदि गर्नुपर्छ ।

अदुवा
अदुवाले पनि शरीरको चिसोपन हटाउने भएकाले यसलाई चियामा मिसाएर, तरकारी र चटनीमा हालेर खानुपर्छ ।

दालचिनी
यसले खानाको स्वादमात्रै बढाउँदैन, शरीरको तापक्रम पनि बढाउने काम गर्छ । साथै, यसले रक्तसञ्चारलाई सुचारु र नियन्त्रण गर्छ । चिया र तरकारीमा दालचिनी हालेर यसको मज्जा लिन सकिन्छ ।

मरिच
मरिचले शरीरलाई न्यानो राख्ने र विभिन्न संक्रमणबाट जोगाउने गर्छ । यसलाई तरकरी र सलादमा मिसाएर जाडोभरि नियमित खाने गर्नुपर्छ ।

अलैँची
यसले शरीरलाई न्यानो राख्ने र शरीरलाई रोगसँग लड्न योग्य बनाउने काम गर्छ । यसलाई तरकारी, चिया, अचार आदिमा मिसाएर खान सकिन्छ ।

- साभार www.swasthyakhabar.com बाट