झापाकी सुजताकाे जीवन बचाउन जुटे प्रमाेद खरेल, मनाेज गजुरेल र विश्वप्रकाश शर्मा एकसाथ

झापाकी सुजताकाे जीवन बचाउन जुटे प्रमाेद खरेल, मनाेज गजुरेल र विश्वप्रकाश शर्मा एकसाथ
2016/12/10, 
​

काठमाण्डौं । पछिल्लो समय सामाजिक कार्यमा सक्रिय देखिएका गायक खरेल यतिवेला एप्लास्टिक एनिमियाबाट पीडित बनेकी झापा पृथ्वीनगरकी सुजाता सुवेदीको जीवन रक्षाका लागि सहयोग जुटाउने अभियानमा जुटेका छन् ।

उनीसँगै हास्यकलाकार मनोज गजुरेल र नेपाली कांग्रेसका युवा नेता विश्व प्रकाश शर्मा पनि सहयोग जुटाउन व्यस्त छन् ।

२२ वर्षिया सुजाता सुवेदी यतिबेला काठमाडौं, बानेश्वरको सिभिल अस्पतालको शैयामा छट्पटाइरहेको र उनलाई सक्दो सहयोग गर्न उनीहरुले आफ्ना फ्यानलाई सामाजिक संजाल फेसबुकमार्फत पनि आग्रह गरिरहेका छन् ।

‘बानेश्वरको गेष्ट हाउसमा बसेर सुजाताको उपचार गराइरहेका छौं, हप्तामा दुई–तीनपल्ट रगत दिइरहनुपर्छ उसलाई,’ सुजाताका बुबा राजकुमार सुवेदीले भावुक हुँदै भने, ‘चिकित्सकको भनाई अनुसार २५ लाख रुपैयाँजति खर्च हुने देखिन्छ । गरिब मान्छे त्यत्रो पैसा कहाँबाट ल्याउँने । कलाकारहरुको अभियानले आशा देखाएको छ ।’

सुजातालाई सहयोग गर्न चाहनेले उनको बुबा राजकुमार सुवेदीको नाममा रहेको एनआइसी बैंकको खाता नम्बरः ४९५४४९२३३७५२४००१ सहयोग गर्न सक्ने गायक खरेलले बताएका छन् ।
साभार : www.khabarmanch.com बाट (धन्यबाद:सृजना घिमिरे)