विक्षिप्त अवस्थाकी मनोरोगी महिलालाई मानसिक अस्पताल, लगनखेलमा भर्ना

विक्षिप्त अवस्थाकी मनोरोगी महिलालाई मानसिक अस्पताल, लगनखेलमा भर्ना

---------- हिजो विहान करीब ३:०० बजे मानवसेवा आश्रम,ललितपुरको  मूुल ढोकामा एक्कासी ठूलो आवाज आयो। पछि बुझ्दा नेपाल प्रहरी, सातदोबाटोबाट आउनुभएका प्रहरीहरू हुनुहुँदो रहेछ। वहाँहरूले एकजना  मनोरोगी महिला नाम,ठेगाना बताउन नसक्ने अन्दाजी बर्ष ५५ कि लाई आश्रय दिन अनुरोध गर्नुभयो।तत्पश्चात् मनोरोगी महिला (लक्ष्मी- आश्रममा आश्रित महिलालाई देवी लक्ष्मीको रूपमा सेवा गरिन्छ।) लाई आश्रमको जिम्मामा छोडेर प्रहरीहरू जानासाथ एक्कासीअसमान्य आवाज निकालेर लक्ष्मी चिच्याउन काराउन थाल्नु भयो। करीब ६:३० बजेसम्म यस्तो क्रम चलिरह्यो।त्यसपछि वहाँको अवस्था सामान्य हुँदै गएपछि आफ्नो बारेमा बताउन थाल्नु भयो। सिन्धुली, बरङ् खोला सिस्नेरी घर भई बाबू मानबहादुर माझी तथा पति बुधवीर र आफ्नो नाम शान्तीमाया माझी बताउने वहाँको  दिन भर सामान्य अवस्था रहेको थियो। तर साँझ परेपछि पुन:  वहाँको विक्षिप्त मनोरोग बढ्दै असामान्य भएपछि करीब ८:३० बजेनेपाल प्रहरी र ९:०० बजे मानसीक अस्पतालको चिकित्सक टोलीलाई आश्रममा बोलाइयो। वहाँको अवस्था सामान्य गराउन डाक्टरले लोरी औषधीको सूई लगाउँदा समेत सूधार नआएपछि राती १०:०० बजे अस्पताल भर्नाकोलागि लगनखेल पठाइयो । यस पुनित कार्यमा साथ-सहयोग पुर्याउनुहुने समादरणीय मानसीक अस्पताल, लगनखेलका निर्देशक प्रा.डा.श्री सुरेन्द्र शेरचन लगायत आश्रममा आउनुहुने चिकित्सक टोली र नेपाल प्रहरी, सातदोबाटोका डि.एस.पि. श्री रामेश्वर यादवज्यू र आश्रममा आउनुहुने सम्पूर्ण प्रहरी कर्मचारीहरूलाई धेरै धरै धन्यवाद्! थप जानकारीको लागि मो.नं. ९८५५०७६००५ र ९८५१०९५४७९।