विपन्न परिवारकी सरिता चेपाङलाई अष्ट्रेलियाका चितवनवासीले सहयोग गरेका छन् ।

सरिताको पढाइका लागि दोस्रो वर्षपनि सहयोग पठाउनुभएकोमा चितवन समाज भिक्टोरियाप्रति हामी आभारी छौं ।

भरतपुर, ४ वैशाख ।
भरतपुर अस्पतालमा प्रमाणपत्र तह नर्सिङ अध्ययनरत विपन्न परिवारकी सरिता चेपाङलाई अष्ट्रेलियाका चितवनवासीले सहयोग गरेका छन् । हाल दोस्रो वर्षमा अध्ययनरत सरितालाई अष्ट्रेलियाको मेलबर्न बस्ने चितवनेहरुको समूह चितवन समाज भिक्टोरियाले ८० हजार रुपैयाँ नगद सहयोग गरेको हो । समाजका तर्फबाट स्थानीय प्रतिनिधि काशीप्रसाद गुरुङ र हेमप्रसाद गुरुङले सरितालाई भेटी सो सहयोग रकम सोमबार हस्तान्तरण गरे । चितवन समाजले यसअघि १ वर्षअघि पनि सरितालाई ८० हजार नगद सहयोग गरेको थियो ।
धादिङ जोगीमाराकी विपन्न चेपाङ परिवारबाट एसएलसीमा सहभागी भई ७५ प्रतिशत अंक ल्याएर पनि उच्च शिक्षा हासिल गर्न आर्थिक अभाव भएकी सरितालाई हामीले नगरे कसले गर्ने ? चितवनले संरक्षण गरी नर्सिङ पढाइरहेको छ । तीनवर्षे नर्सिङ पढ्नका लागि सरिताले पूर्ण छात्रवृत्तिमा पढिरहेकी छन् । छात्रावासमा बसेर अध्ययन गरिरहेकी उनलाई छात्रावास, स्टेशनरी तथा अरु अतिरिक्त खर्च चितवन समाज भिक्टोरियाले व्यहोर्दै आइरहेको छ ।
हालै सीटीईभीटीले सार्वजनिक गरेको पीसीएल पहिलो वर्षको नतिजामा सरिता ८२ प्रतिशत अंकसहित उत्तीर्ण भएकी छन् । उत्कृष्ट नतिजा थाहा पाएलगत्तै समाजका अध्यक्ष सोमप्रसाद गुरुङले अष्ट्र्ेलियाबाट सहयोग पठाएका हुन् । सरिताले राम्रो गर्दै गए उनको उच्च शिक्षामा सहयोग जारी राख्ने उनले बताएका छन् ।
(समाचार:"हामिले नगरे कस्ले गर्ने If not Us then Who?"बाट)