Miss You Nepal

नेपालबाट टाढा हुदैमा के भयो र, हाम्रो मन त नेपालमै छ नि । बिश्वका जुनसुकै मुलुकमा गएर बसेपनि, जति नेपालबाट टाढा भईन्छ त्यतिनै नेपालको माया लाग्छ  । अष्ट्रेलियाको सिड्नी कार्यक्रमको क्रममा छबी अधिकारी तथा चम्पा अधिकारी राईले भुटनिज नेपलिज कम्युनिटीको तर्फबाट एकिकृत नमुना मसहर बस्ती निर्माणका लागी गर्नुभएको १०२० अष्ट्रेलियन डलर सहयोग प्रति हामी निकै खुसी छौ ।

देश निर्माणका लागी एक पटक हैन पटक पटक तपाईहाम्रो सहभागीताको खाचों पर्छ । हरेक नेपाली बिश्वका जुनसुकै देशबाट पनि आफ्नो देशको निर्माण कार्यमा बारम्बर सहभागी भई ईट्टा थप्ने काम गरिरहनु भएको हुन्छ । त्यस्तै सहयोगी मनका धनि कुमार गिरी र हिरा गिरीले यस अघिको गिरान्चौर नमुना बस्ती निर्माणमा पनि ११०० डलर सहयोग गर्नुभएको थियो । त्यहि सहयोगी मनले फेरी पनि एकिकृत नमुना मुसहर बस्ती निर्माणका लागी सहयोग गर्नुभएको छ । उहांहरुले मुसहर बस्ती निर्माणका लागी अष्ट्रेलियाको सिड्नीबाट धुर्मुस सुन्तली फाउण्डेसनलाई १ हजार अष्ट्रेलियन डलर सहयोग गर्नुभएको छ । उहांहरुको यस सहयोग प्रति हामी निकै कृतज्ञ छौ ।

अधिंकाश नेपालीहरु अहिले बिदेशी भुमिमा रोजगारीको सिलसिलामा बसोबास गरिरहेका छन् । उहांहरु हरेकलाई देशबाट टाढा हुंदापनि देशप्रतिको माया र स्नेहमा भने कुनै कमि आएको छैन् । हुम्ला जिल्लाको पिप्लाङ्ग गाउँमा जन्मिएका गणेश बहादुर शाही हाल रोजगारीको सिलसिलामा कुवेतमा हुनुहुन्छ । उहांले एकिकृत नमुना मुसहर बस्ती निर्माणका लागी धुर्मुस सुन्तली फाउण्डेसनलाई पठाउनु भएको ११ हजार ११ रुपैया सहयोग हामिले प्राप्त गरेका छौ । उहांले पठाउनु भएको यस सहयोग प्रति हामी निकै खुसी छौ ।