Miss You Nepal

सहयोग गर्न सम्पती चाहिदैन् मात्र मन भए पुग्छ । खुसी त त्यति बेला मिल्छ जतिबेला कसैको मुहारमा आफुले दिएको सानो सहयोगले खुसी भरिएको हुन्छ । उदयपुर जलजले स्थाई घर भई हाल रोजगारीको सिलसिलामा  इमाडोल २ ललितपुर बसोबास गदै आईरहनु भएका राजेन्द्र केसी हाल उदयपुर सिमेन्ट उघोगमा कार्यरत हुनुहुन्छ । उहांले एकिकृत नमुना मुसहर बस्ती निर्माणका लागी धुर्मुस सुन्तली फाउण्डेसनलाई ११ हजार १ सय ११ रुपैया सहयोग गर्नुभएको छ । उहांको यस सहयोग प्रति हामी निकै कृतज्ञ छौ ।

सहयोग त्यस्तो चिज हो, जसले हरेक पल खुसीका बहार ल्याउने गर्छ । सहयोग गर्न कुनै साईत कुर्नु पदैन् बरु मन सफा भए पुग्छ । बाग्लुङ्ग ३ काहुले, गुल्मि स्थाई घर भएका भिमलाल भण्डारीले एकिकृत नमुना मुसहर बस्ती निर्माणका लागी धुर्मुस सुन्तली फाउण्डेसनलाई दिनुभएको ५ हजार १ सय रुपैया सहयोग प्रति हामी निकै खुसी छौ ।

हरेक दिन खुसीका किरण छर्ने कुनै न कुनै पल आउछन् । त्यहि पल सम्झन लायक बनाउने दौडमा हामि बिभिन्न संघ संस्थाहरुलाई आर्थीक सहयोग गर्न पछि हट्दैनौं । त्यस्तै बाग्लुङ्ग स्थाई घर भई हाल क्यानडा बस्नुहुने लक्ष्मि कडेंलले आफु र आफ्नो श्रीमान गौरभ कडेंलको तर्फबाट आफ्नी छोरी अनिशाको जन्मदिनको उपलक्ष्यमा एकिकृत नमुना मुसहर बस्ती निर्माणका लागी धुर्मुस सुन्तली फाउण्डेसनलाई १० हजार रुपैया सहयोग पठाउनु भएको छ । उहांहरुको यस सहयोग प्रति हामी निकै खुसी छौ । उहांहरुको छोरी अनिशालाई जन्मदिनको शुभकामना ।