Miss You Nepal

सहयोग गर्दा मनलाई त्यतिबेला आनन्द मिल्छ, जतिबेला आफ्नो सहयोगले कसैलाई खुसी मिलेको हुन्छ । सहयोग गर्ने मन सबै भन्दा माथि नै हुन्छ । एकपटक गरिसकिएको सहयोग भएपनि के भयो र सहयोग गर्न कुनै पटक चाहिदैन् । त्यसकै उदाहरण हुनुहुन्छ देवचुली नगरपालीका वडा नम्बर १५ स्थाई घर भएका हेम प्रसाद पाठक । जसले हामिलाई यसअघिको गिराञ्चौर नमुना बस्ती निर्माणका लागी पनि १० हजार सहयोग गर्नुभएको थियो । उही मान्छे, उहि मन र उहि तनले अहिले एकिकृत नमुना मुसहर बस्ती निर्माणका लागी धुर्मुस सुन्तली फाउण्डेसनलाई ५ हजार रुपैया सहयोग गर्नुएको छ । उहांको यस सहयोग प्रति हामी निकै कृतज्ञ छौ ।

सहयोग गर्न सम्पती चाहिदैन् मात्र मन भए पुग्छ । खुसी त त्यति बेला मिल्छ जतिबेला कसैको मुहारमा आफुले दिएको सानो सहयोगले खुसी भरिएको हुन्छ । उदयपुर जलजले स्थाई घर भई हाल रोजगारीको सिलसिलामा  इमाडोल २ ललितपुर बसोबास गदै आईरहनु भएका राजेन्द्र केसी हाल उदयपुर सिमेन्ट उघोगमा कार्यरत हुनुहुन्छ । उहांले एकिकृत नमुना मुसहर बस्ती निर्माणका लागी धुर्मुस सुन्तली फाउण्डेसनलाई ११ हजार १ सय ११ रुपैया सहयोग गर्नुभएको छ । उहांको यस सहयोग प्रति हामी निकै कृतज्ञ छौ ।

सहयोग त्यस्तो चिज हो, जसले हरेक पल खुसीका बहार ल्याउने गर्छ । सहयोग गर्न कुनै साईत कुर्नु पदैन् बरु मन सफा भए पुग्छ । बाग्लुङ्ग ३ काहुले, गुल्मि स्थाई घर भएका भिमलाल भण्डारीले एकिकृत नमुना मुसहर बस्ती निर्माणका लागी धुर्मुस सुन्तली फाउण्डेसनलाई दिनुभएको ५ हजार १ सय रुपैया सहयोग प्रति हामी निकै खुसी छौ ।