Miss You Nepal

अधिंकाश नेपालीहरु अहिले बिदेशी भुमिमा रोजगारीको सिलसिलामा बसोबास गरिरहेका छन् । उहांहरु हरेकलाई देशबाट टाढा हुंदापनि देशप्रतिको माया र स्नेहमा भने कुनै कमि आएको छैन् । लमजुङ स्थाई घर भएका जिवन गुरुङ हाल जापानमा हुनुहुन्छ । उहांले जापानबाटै एकिकृत नमुना मुसहर बस्ती निर्माणका लागी धुर्मुस सुन्तली फाउण्डेसनलाई ८ हजार ८ सय ७ रुपैया सहयोग पठाउनु भएको छ । उहांले पठाउनु भएको यस सहयोग प्रति हामी निकै खुसी छौ ।

नेपालबाट टाढा हुदैमा के भयो र, हाम्रो मन त नेपालमै छ नि । बिश्वका जुनसुकै मुलुकमा गएर बसेपनि, जति नेपालबाट टाढा भईन्छ त्यतिनै नेपालको माया लाग्छ । संखुवासभा सित्तलपाटी गा.बि.स. वार्ड नं. ९ हेलुवा तपासे स्थाई घर भई हाल हङकङ बसोबास गरिरहनु भएका कैलास गुरुङले आफ्ना स्वर्गीय हजुरबुवा सुरधोज गुरुङ र हजुरआमा तिला माया गुरुङको नाममा एकिकृत नमुना मुसहर बस्ती निर्माणका लागी धुर्मुस सुन्तली फाउण्डेसनलाई दिनुभएको २० हजार ५ सय रुपैया सहयोग हामीले प्राप्त गरेका छौ । उहांको यस सहयोग प्रति हामी नतमष्तक छौ ।

नेपालीहरु बिश्वको जुनसुकै देशमा भएपनि उहांहरुको नेपाल प्रतिको माया भने कहिल्यै टाढा हुन सक्दैन् । बरु देशबाट जति धेरै टाढा भईन्छ, त्यतिनै धेरै देशको माया जागेर आउछ । त्यस्तै, बेलायतमा रहेको एक नेपाली गु्रप ह्याम्लो गल्स् गु्रप बेलायत, जसले ह्याम्लो सोनम ल्होसारको उपलक्ष्यमा सबैमा शुभकामना दिदै उक्त समुहका सदस्यहरुले एकिकृत नमुना मुसहर बस्ती निर्माणका लागी धुर्मुस सुन्तली फाउण्डेसनलाई ४१ हजार २ सय रुपैया सहयोग पठाउनु भएको छ । उहांहरुको यस सहयोग प्रति हामी निकै कृतज्ञ छौ । उक्त समुहका सहयोगीहरु प्रति हार्दिक धन्यवाद ब्यत्त गर्दछौ ।