Miss You Nepal

शिक्षाको ज्योती छर्न पाठशाला जाने स-साना नानिहरुलाई पनि देशको चिन्ता छ । भोलिका कर्णधार, ललितपुर १४ रमाईलोटार, टुटेपानी रिजेन्ट ईन्टरनेसनल स्कुलमा अध्ययन गरिरहनु भएका बिधार्थीहरुले स्कुलको बार्षिक उत्सवको उपलक्ष्यमा धुर्मुस सुन्तली फाउण्डेशनले निर्माण गरिरहेको एकिकृत नमुना मुसहर बस्ती निर्माणका लागि २५ हजार ५ सय २५ रुपैया सहयोग गर्नुभएको छ । उक्त स्कुलको कार्यक्रममा बिशेष अतिथीको रुपमा फाउण्डेशनकी कुञ्जना घिमिरे रहनु भएको थियो । धुर्मुस सुन्तली अर्थात सितारम कट्टेल र कुञ्जना घिमिरेकी प्यारी छोरी सुबिहानी घिमिरे सोही स्कुलमा अध्ययन गरिरहनु भएको छ । सम्पुर्ण बिधार्थी भाई बहिनीहरुले देखाउनु भएको यो माया र सदभावले हामीलाई अझै उर्जा थपेको छ । रिजेन्ट ईन्टरनेसनल स्कुलका सम्पुर्ण बिधार्थी, शिक्षक, अभिभावक तथा सुभचिन्तकहरुमा हार्दिक धन्यवाद सहित उत्तर-उत्तर प्रगतिको कामना गर्दछौं ।

सहयोग एउटा यस्तो चिज हो, जसले अरु संगै आफुलाई पनि खुसी बनाउँछ । हामीले दिएको सानो सहयोगले कसैको मुहारमा खुसी देखिन्छ भने, हाम्रो लागि त्यो भन्दा ठुलो कुरा के नै हुन्छ र ? यस्तै भावनाले धरान स्थाई घर भई हाल बेलायतमा बसोवास गरिरहनु भएका मनु लिम्बु र सोम प्रसाद लिम्बुले आफ्नो छोरा सागर लिम्बु र छोरी सोन्या लिम्बुको नाममा एकिकृत नमुना मुसहर बस्ती निर्माणका लागि धुर्मुस सुन्तली फाउण्डेशनलाई १० हजार १ सय रुपैया सहयोग प्रदान गर्नुभएको छ । उहांहरुको यस सहयोग प्रति हामी निकै कृतज्ञ छौ । मनु लिम्बु र सोम प्रसाद लिम्बु लगायतका सम्पुर्ण परिवारलाई सहयोग प्रति हार्दिक धन्यवाद दिन चाहान्छौं ।

नेपालबाट टाढा हुदैमा के भयो र, हाम्रो मन त नेपालमै छ नि । बिश्वका जुनसुकै मुलुकमा गएर बसेपनि, जति नेपालबाट टाढा भईन्छ त्यतिनै नेपालको माया लाग्छ । नेपालबाट स्पेनमा बस्ने दर्जनौं नेपालीहरुले आफ्नो छाँक कटाएर प्रवासी नेपाली मञ्च स्पेन समुह मार्फत धुर्मुस सुन्तली फाउण्डेशनलाई महोत्तरीको बर्दिवासमा रहेको एकिकृत नमुना मुसहर बस्ती निर्माणका लागि ३ लाख ३ हजार ६७० रुपैंया सहयोग दिनुभएको छ । उहांले दिनुभएको यस सहयोग प्रति हामी निकै कृतज्ञ छौ