Miss You Nepal

हरेक समयका रमाईला पलहरुले त्यतिबेला हामीलाई सम्झाउछ, कसैको मन, भावना र ब्यबहार कस्तो थियो भनेर । हजारौ सपना सजाएर, पढेर ठुलो मान्छे बन्छु भन्ने रहर  जगाएर ह्वाईटफिल्ड  सेकेण्डरी स्कुलमा कक्षा १२ मा अध्ययन गर्ने सबिना गुरुङ्ग स्कुलकै प्यारी बिधार्थी थिईन् । सबैको प्रिय सबिनालाई सबै बिधार्थी, उनका साथीहरु तथा शिक्षकहरुले एउटा राम्रो ईमान्दार तथा लगनशिल बिधार्थीको रुपमा हेदै आएका थिए । सायद भगवानले राम्रो र सबैले माया गर्ने मान्छेलाई छिट्टै आफुसंग बोलाउने रहेछन् क्यारे । २०५६ साल ८ महिना अर्थात मंसिर २५ गते यो संसारमा जन्म लिएकि सबिनाले २०७३ साल ११ महिना अर्थात फागुन २८ गते अकालमै यो संसारलाई छाडेर गईन् । सबैकी प्रिय सबिनालाई उक्त स्कुलले कहिल्यै भुल्न सक्दैन् । उनको सम्झनामा उक्त स्कुलले धुर्मुस सुन्तली फाउण्डेशनलाई एकिकृत नमुना मुसहर बस्ती निर्माणका लागि २२ हजार रुपैया सहयोग गरेको छ । सहयोग प्रति ह्वाईटफिल्ड  सेकेण्डरी स्कुललाई हार्दिक धन्यवाद दिन चाहान्छौ । उनको सम्झनामा मुसहर बस्ती निर्माणका लागि दिनुभएको उहांहरुको यो सहयोगले मुसहर बस्तीमा बन्ने हरेक घरहरुको भित्तामा उनको सम्झना सधै अमर रहनेछ । र सबिनाको असामायिक निधनले उनको परिवारमा परेको शोकमा भगवानले धैर्यधारण गर्ने शक्ति दिउन भन्दै सबिनालाई हार्दिक श्रद्धान्जली ब्यक्त गर्दछौं ।
धुर्मुस सुन्तली फाउण्डेशन
काठमाडौं, नेपाल

सहयोग यस्तो चिज हो, जसले अरु संगै आफुलाई पनि मिठो खुसी मिल्छ । सहयोग भएर होईन् चाहेर गरिन्छ । एक-एक थोपा मिलेर जसरी समुन्द्र बन्छ, त्यसैगरी तपाईहरु एक एक जनाको सहयोगले सांच्चै यो देश एउटा सुन्दर संसार बन्छ । बिधार्थी हुन् वा शिक्षक, अहिले हरेकलाई आफ्नो देश निर्माणको चिन्ता छ । भरतपुर चितवनको एउटा सफल र प्रतिक्षित शैक्षिक संस्था कलेज अफ मेडिकल साईन्स मा एमबिबिएस पहिलो र दोश्रो बर्षमा अध्यनरत बिधार्थीहरुले सबैबाट उठाएको २८ हजार १ सय ६२ रुपैया सहयोग धुर्मुस सुन्तली फाउण्डेशनलाई प्रदान गर्नुभएको छ । सम्पुर्ण सहयोगी मन र कलेज अफ मेडिकल साईन्सका सम्पुर्ण बिधार्थिहरुलाई हार्दिक धन्यवाद दिन चाहान्छौ ।

पाल्पा तान्सेन १५ स्थाई घर हुनुभएका चन्द्रमान मलेकुले स्वर्गीय पिता सुर्यमान मलेकको स्मृतिमा एकिकृत नमुना मुसहर बस्ती निर्माणका लागि दिल खोलेरै धुर्मुस सुन्तली फाउण्डेशनलाई १ लाख ११ हजार १ सय ११ रुपैया सहयोग प्रदान गर्नुभएको छ । उहांले यसअघिको हाम्रो परियेजना गिराञ्चौर नमुना बस्ती निर्माणका लागि पनि सहयोग प्रदान गर्नुभएको थियो । उहांले दिनुभएको यस सहयोग प्रति हामी नतमष्तक छौ ।