Miss You Nepal

नेपालबाट टाढा हुदैमा के भयो र, हाम्रो मन त नेपालमै छ नि । बिश्वका जुनसुकै मुलुकमा गएर बसेपनि, जति नेपालबाट टाढा भईन्छ त्यतिनै नेपालको माया लाग्छ । र पनि उनिहरु हरेक देशमा समुह गठन गदै नेपाली निर्माण कार्यमा सहभागी हुदै आईरहनु भएको छ । अष्ट्रेलियामा रहेको नेपालीहरुको समुह सिटौला समाज, अष्ट्रेलियाले एकिकृत नमुना मुसहर बस्ती निर्माणका लागि धुर्मुस सुन्तली फाउण्डेशनलाई १ लाख रुपैया सहयोग प्रदान गर्नुभएको छ । उहांहरुको यस सहयोग प्रति हामी निकै कृतज्ञ छौं । सम्पुर्ण सहयोगी मनहरुलाई हृदय देखिनै धन्यवाद दिन चाहान्छौं ।

सितल चोक, दमौली ११ भ्यास नगरपालीका, तनहुँ स्थाई घर भई हाल दुबई रहनुभएका धन प्रसाद गुरुङ्गले आफ्नो परिवार शोभा गुरुङ्ग, छोरा सोर्यान गुरुङ्ग र २ बर्ष २ महिना पुगेकि छोरी समिक्षा गुरुङ्गको नाममा धुर्मुस सुन्तली फाउण्डेशनले निर्माण गरिरहेको एकिकृत नमुना मुसहर बस्ती निर्माणका लागि २० हजार रुपैया सहयोग गर्नुभएको छ । उहांहरुले गर्नुभएको यस सहयोग प्रति हामी निकै कृतज्ञ छौं ।

हरेक समयका रमाईला पलहरुले त्यतिबेला हामीलाई सम्झाउछ, कसैको मन, भावना र ब्यबहार कस्तो थियो भनेर । हजारौ सपना सजाएर, पढेर ठुलो मान्छे बन्छु भन्ने रहर  जगाएर ह्वाईटफिल्ड  सेकेण्डरी स्कुलमा कक्षा १२ मा अध्ययन गर्ने सबिना गुरुङ्ग स्कुलकै प्यारी बिधार्थी थिईन् । सबैको प्रिय सबिनालाई सबै बिधार्थी, उनका साथीहरु तथा शिक्षकहरुले एउटा राम्रो ईमान्दार तथा लगनशिल बिधार्थीको रुपमा हेदै आएका थिए । सायद भगवानले राम्रो र सबैले माया गर्ने मान्छेलाई छिट्टै आफुसंग बोलाउने रहेछन् क्यारे । २०५६ साल ८ महिना अर्थात मंसिर २५ गते यो संसारमा जन्म लिएकि सबिनाले २०७३ साल ११ महिना अर्थात फागुन २८ गते अकालमै यो संसारलाई छाडेर गईन् । सबैकी प्रिय सबिनालाई उक्त स्कुलले कहिल्यै भुल्न सक्दैन् । उनको सम्झनामा उक्त स्कुलले धुर्मुस सुन्तली फाउण्डेशनलाई एकिकृत नमुना मुसहर बस्ती निर्माणका लागि २२ हजार रुपैया सहयोग गरेको छ । सहयोग प्रति ह्वाईटफिल्ड  सेकेण्डरी स्कुललाई हार्दिक धन्यवाद दिन चाहान्छौ । उनको सम्झनामा मुसहर बस्ती निर्माणका लागि दिनुभएको उहांहरुको यो सहयोगले मुसहर बस्तीमा बन्ने हरेक घरहरुको भित्तामा उनको सम्झना सधै अमर रहनेछ । र सबिनाको असामायिक निधनले उनको परिवारमा परेको शोकमा भगवानले धैर्यधारण गर्ने शक्ति दिउन भन्दै सबिनालाई हार्दिक श्रद्धान्जली ब्यक्त गर्दछौं ।
धुर्मुस सुन्तली फाउण्डेशन
काठमाडौं, नेपाल