२ मिनेट चितामा जलेको लास हेरेर आफ़नो जीवन कल्पना गर ! अवश्य महामानव कहालाउने छौ !

किन स्तब्ध छौ
हामी,
यहाँ खुल्लम ख़ुल्ला
आखा अगाड़ी नै
राष्ट्रीयताको शान्ति मार्गहरू
अराजकताले भरेर ,
स्वार्थी मनहरू
बुद्धको आखाबाट,शान्ति खोज्ने
मानबहरू
कर्ममा नितान्त दलाली गर्न
मस्त भएपछि,
युवाहरू बेचिए
छोरी चेलि बेचिए
देशको खोला नाला
सबै बेचिए
अधर्मी त तिमीहरू हौ
किनकी एउटा सिक्का छैन
तिमी संग शुद्ध धनको ,
भेंटी चड़ाउन पनि
लीपु लेकमा कराउदै गरेको हर्के
"म नेपाली हु " चिच्याउदै छ!
खाड़ीमा बेचीएका युवा
"हामीलाई घर फर्काउ" बिन्ती गर्दै छ !
पोल्ने छ याद गर
तिमिलाई पनि
२ मिनेट चितामा जलेको लास हेरेर
आफ़नो जीवन कल्पना गर !
अवश्य महामानव कहालाउने छौ !

- Anish Aayu Baba , हेटौड़ा