देश बनाउन या राम्रो काम गर्न मन्त्री सभासद नै भईरहनु पर्दैन यो हो वास्तविक सम्मान धेरै धेरै बधाई छ धुर्मुश सुन्तलीलाई !

यो हो वास्तविक सम्मान  ..
धेरै धेरै बधाई छ धुर्मुश सुन्तलीलाई  !
- टीका भन्डारी
यता संसदमा सांसद  दुईतिहाईको धार्नी  पुर्याउने खेलफ़डको भईरहँदा उता नेपाली दर्शकका प्यारा कलाकार धुर्मुस-सुन्तली भने बेल्चा र  ट्रली बोकेर तेस्रो एकीकृत नमूना बस्ती निर्माणमा  लागि परेका  छन  ।  बर्दिवास नगरपालिका-२ स्थित मुसहर बस्ती अब बदलिने छ, मुसहरहरूको जीवन बदलिने छ  ।  हास्य कलाकारद्वय हरिवंश आचार्य र मदनकृष्ण श्रेष्ठ (मह जोडी) र गंगासागर सरसफाईका अभियन्ता रामअशिष यादवले संयुक्त रूपमा बस्तीको शिलान्यास गरेका हुन् । बस्ती शिलान्यासका लागि धुर्मुश र सुन्तलीको उत्साह भर्न हास्य कलाकारहरू मनोज गजुरेल, किरण केसी, जितु नेपाल, सुरेन्द्र केसी, शिवशंकर रिजाल, राजाराजेन्द्र पोखरेल, अर्जुन घिमिरे, कुमार कट्टेल, गायिका मान्डवी त्रिपाठी पनि पुगेका थिए ।   कार्यक्रममा मुसहर समूदायले  कलाकारहरुलाई अनुहार नै छोपिने गरी माला लगाइदिएर  सम्मानका साथ् स्वागत गरेका थिए ।

देश बनाउन या राम्रो काम गर्न मन्त्री सभासद नै भईरहनु पर्दैन है , कि कसो ?