चोट दिँदादीँदै खुकुरीसम्म थाकिसक्यो किन होला चोट खाएर अचानो अघाएन ।।

गजल

मैले चाहेको त्यो  दिन कहिल्यै आएन
र त परेलाहरु पलक्षण चैनले निदाएन

दिनभरमा थाकेर साँझ घाम अस्ताउँछ
थम्थमाएर जसोतसो सपना अस्ताएन

मैले त आफ्नो ठाउँबाट सक्दो गरिरहें
र पनि जिन्दगीले कुनै कर्तव्य निभाएन

समयले  मेरा  सारा सपनाहरु उडायो
मलाई उडाउने सायद सामर्थ्य जुटाएन

चोट दिँदादीँदै खुकुरीसम्म थाकिसक्यो
किन होला चोट खाएर अचानो अघाएन ।।

-  शुश्मा खड्का (सिमल उपन्यासकी लेखिका)

उपन्यास "सिमल" पढ्नुभयको छैन भने आजै किनेर पढ्नुहोला, नेपालका सबैजसो ठाउँहरुमा पाइन्छ, यदि यहाँहरुको ठाउँमा उपलब्ध छैन भने हामिलाई जानकारी दिनुहोला। 

सिमल सँग सम्बन्धित केही तस्बीर हरु