धुर्मुस सुन्तली फाउण्डेशनले निर्माण गरेको महोत्तरीको बर्दिवासमा रहेको एकिकृत नमुना मुसहर बस्ती हामीले तोकेकै समयमा निर्माण सम्पन्न गरेको जानकारी गराउदै, उक्त बस्ती स्थानिय बासीलाई यहि नयाँ बर्ष अर्थात बैसाख १ गते बिहान ८ बजे आदरणिय बरिष्ठ हाँस्य कलाकारद्धय मदनकृष्ण श्रेष्ठ र हरिबंश आचार्य ज्यु को प्रमुख आतिथ्यतामा हामीलाई जन्म दिनुहुने पुजनिय बुवाआमा र जनकपुरधाम सफाई एवं गंगा आरतीका प्रनेता पत्रकार तथा सामाजिक अभियान्ता श्री राम आशिष यादव ज्यु बाट हस्तान्तरण हुने जानकारी गराउन चाहान्छौं । हामीले निर्माण गरेको पहिलो एकिकृत नमुना बस्ती काभ्रेको पहरी बस्ती, सिन्धुपाल्चोकको गिराञ्चौर एकिकृत नमुना बस्ती र अहिलेको परियोजना चलिरहदा सम्म तपाईहरुले गर्नुभएको साथ र सहयोग प्रति हामी हार्दिक आभार र धन्यवाद ब्यक्त गर्न चाहान्छौं । तपाईहरुकै साथ र सहयोगले हामीले यति ठुला परियोजना निर्माण गर्ने आंट गर्न सकिरहेका छौं । र यसपटक पनि तपाईहरुको महत्वपुर्ण साथ हामीले पाउनेछौं भन्ने आशा राखेका छौं । फाउण्डेशनले निर्माण गरेको उक्त परियोजनाले हिमाल, पहाड र तराई जोड्ने, राष्ट्रिय एकताको सन्देश बोकेको र राष्ट्रिय सद्भावको परियोजना भएको हुनाले उक्त समारोहमा यहांहरुको गरिमामय उपस्थितीको लागि सादर अनुरोध गर्दछौं ।
कार्यक्रम हुने स्थान र समय :
स्थान : एकिकृत नमुना मुसहर बस्ती, बर्दिवास ०२, महोत्तरी
मिति : २०७४/०१/०१
समय : बिहान ८ बजे
Post a Comment