चलचित्र लुट २ को च्यारिटी शो देखाएर नाफा भएको १ लाख २ हजार रुपैया धुर्मुस सुन्तली फाउन्डेसनलाई सहयोग

नेपालबाट बाहिरी देशमा गएर बसिरहनु भएका जतिपनि नेपाली हुनुहुन्छ, उहांहरुलाई हरेक पल नेपालको याद प्यारो हुन्छ । उहांहरु दिनरात आफ्नो देश बिकाश भएको हेर्न चाहान्छन् र देश निर्माणको कार्यमा सहभागी पनि हुदै आएका छन् । त्यस्तै दक्षिण कोरियामा रहेका नेपालीहरुको मन पनि देश निर्माण होस भन्ने नै रहेछ । दक्षिण कोरियाको वुसानमा रहेको एभरेष्ट फुटबल क्लवले फुटबल खेलेर जितेको रकम र नेपाली चलचित्र लुट २ को च्यारिटी शो देखाएर नाफा भएको १ लाख २ हजार रुपैया धुर्मुस सुन्तली फाउण्डेशनले निर्माण गरिरहेको एकिकृत नमुना मुसहर बस्ती निर्माणका लागि सहयोग गर्नुभएको छ । यस सहयोगका लागि एभरेष्ट फुटबल क्लबका सम्पुर्ण सदस्य तथा पदाधिकारीहरुलाई हृदय देखीनै धन्यवाद दिन चाहान्छौं ।
धुर्मुस सुन्तली फाउण्डेशनले बस्ती निर्माणका लागि तोकेको अनुमानीत रकम पुगिसकेको जानकारी गराउदछौं ।