"तलबबाट कटाउनु" भनेर सेनिटरी प्याडहरु सहयोग गर्ने कष्मेटिक सपकी बहिनी मनमै बसिन् ।

समग्रमा आजको दिन उपलब्धिमुलुक रह्यो । परिवारको सदस्य र आफू स्वयमबाट बाढी प्रभावित क्षेत्रको लागि सहयोग रकम संकलनबाट दिन सुरु भयो । आरआरका विद्यार्थीहरुको सक्रियतामा आज राहत संकलनको लागि लगनखेलको मंगलबजारमा पुगेका थियौं । सहयोगी मन र हातहरुको ओइरो लागेको देख्दा आफुलाई नेपाली भएकोमा यति गर्व लाग्यो, कि के भनौं ? चामलको बोरामा एकदुई वटा बियाँ त जहाँ पनि भेटिन्छन् । तर मनकारी प्रवृतिले ती केहि शंकालु नजर र असहयोगी प्रवृतिलाई उछिन्यो । एउटै पसलबाट पनि उल्लेख्य संख्यामा लत्ताकपडा र जुत्ताहरु उपलब्ध गराइदिने व्यवसायी दाइदिदीको सेवा भावप्रति नतमस्तक भयौं । जसमध्यमा पसलका साहु बाले केहि दिन नखोज्दा पनि आफ्नो "तलबबाट कटाउनु" भनेर सेनिटरी प्याडहरु सहयोग गर्ने कष्मेटिक सपकी बहिनी मनमै बसिन् ।
"आँधी आए तराईमा पहाडले छेक्नुपर्छ ।" यी शब्दहरु आज साँच्चै सार्थक लागिरहेछ । देशमा यस्तो विपत्ति परिरहेको बेलामा आफुले केहि गर्न नसकेको आत्मग्लानी पनि केहि हदसम्म कम भएको छ आज ।
जसले जहाँबाट जति सकिन्छ सहयोग गर्न अनुरोध छ ।
जय_देश ।
जय_नेपाली_मन ।

- शुश्मा खड्का