स्विडेनमा ४८ घण्टाभित्रै उठायको १ लाख ४५ हजार ५८ रुपैया बाढी पिडितको लागि धुर्मुस सुन्तली फाउन्डेसनमा प्रदान

‘विपद्को घडीमा सबै नेपाली जुटौं अनिवार्य’
‘मानवता र सद्भावको लागि गरौं सहकार्य’
तराईमा बाढी पिडितहरुका लागि नेपालबाट स्विडेन गई उतै बसोवास गरिरहनु भएका नेपालीहरुको एक समुहले ४८ घण्टाभित्रै उठाउनुभएको १ लाख ४५ हजार ५८ रुपैया सहयोग भक्ति अर्याल, अशोक बहादुर खड्का, दिप शर्मा, राज कुमार  पाठक(ओमसन) र शिव कुमार चम्लागाईले धुर्मुस सुन्तली फाउण्डेशनर्लाइ प्रदान गर्नुभएको छ । यस अभियानमा जोडिनुभएकोमा भक्ति अर्याल, अशोक बहादुर खड्का, दिप शर्मा, राज कुमार पाठक(ओमसन), शिव कुमार चम्लागाई सहित सम्पुर्ण सहयोग मनहरुलाई हार्दिक धन्यवाद ब्यक्त गर्दछौं ।
यो विपदमा परेका पिडितहरुलाई हामी सबैले सकेको सहयोग गरौं ।

धुर्मुस सुन्तली फाउण्डेशनले तराईका बिभिन्न स्थानमा रहेका बाढी पिडितहरुलाई राहत वितरण गरिरहँदा बिभिन्न ब्यक्ती तथा संघ संस्थाहरु के लाने भनेर अन्योलमा हुनुहुन्छ भने तत्काललाई आवश्यक देखिएको लत्ता कपडा, सिरक डस्का, लाउने लुगा, म्याट, तन्ना, ब्ल्याङकेट, टर्च लाईट, पिडितहरु बाहिर बसिरहेका हुनाले झोल अन्य खानेकुराका सामाग्रीहरु, सबैतिर डुवान भएकाले खानेपानी सुद्धिकरण गर्ने उपकरण तथा खानेपानी, लगायत अन्य अति आवश्यक सामाग्रीहरु जुक्ता चप्पल समेत सहयोग गर्न सक्नुहुनेछ । हामीमार्फत सहयोग दिन चाहने सहयोगीहरुले फाउण्डेशनको सम्पर्क नम्बर ०१ ४४८१६२२ मा सम्पर्क गर्नुहोला । हामी तपाईहरुले दिनुभएको राहत सामाग्री पिडितहरुमाझ छिटो भन्दा छिटो पुर्याउने छौं । यस बिपदमा परेका तराई बासी नेपालीहरुको उद्धारका लागि सबै जुटौं र सकेको सहयोग गरौं ।