Miss You Nepal

भोजपुर चम्पे, ५ मा जन्मिनुभएका निर्मल आले हाल बैदेशिक रोजगारीका क्रममा साउदी पुग्नुभएको छ । समाज सेवामा रुची राख्ने उहाँले आफ्नो बुवा राजकुमार आले, ममि गीता आले, भाई कुशल आले र दिदिहरु खिमा आले, रेनुका आले र बिष्णु सापकोटाको नाममा एकिकृत नमुना मुसहर बस्ती निर्माणका लागि धुर्मुस सुन्तली फाउण्डेशनलाई ४० हजार ४ सय ४० रुपैया सहयोग पठाउनु भएको छ । उहांको यस सहयोगले हामीलाई थप उर्जा थपेको छ । सहयोग प्रति उहांलाई हृदय देखिनै धन्यवाद दिन चाहान्छौं । उहांले यसअघिको हाम्रो परियोजना गिरान्चौर एकिकृत नमुना बस्तीका लागि पनि ५० हजार रुपैया सहयोग प्रदान गर्नुभएको थियो ।

जर्मनीमा रहेको नेपालीहरुको एक समुह नेपाली समाज हेनओभर जर्मनी, जसले एकिकृत नमुना मुसहर बस्ती निर्माणका लागि धुर्मुस सुन्तली फाउण्डेशनलाई १ लाख ११ हजार १ सय ११ रुपैया सहयोग प्रदान गनुभएको छ । यस सहयोगले बिदेशमा रहेका नेपालीहरुको समुह पनि देश बिकाश भएको देख्न र हेर्न चाहने कुराको प्रमाण दिएको छ । सहयोगका लागि नेपाली समाज हेनओभरका सम्पुर्ण सहयोगी मनहरुलाई हृदय देखिनै आभार प्रकट गर्न चाहान्छौं । तपाईहरुको यस सहयोगले हामीलाई थप उर्जा र हौसला प्राप्त भएको छ ।

सफा मन र सफा ह्दयले सधै सहयोगको भावना बोकेको हुन्छ । कसैलाई दिएको थोरै सहयोगले खुसी हुने मौका पाईन्छ भने किन सहयोग नगर्ने ? साथी भाई र छर-छिमेकिको सानो रकम पनि कसैको लागी ठुलो रकम हुनसक्छ ।  भैसिपाटी स्थाई घर भई हाल बेलायत बसोवास गरिरहनु भएक बिकाश लिम्बुले एकिकृत नमुना मुसहर बस्ती निर्माणका लागि धुर्मुस सुन्तली फाउण्डेशनलाई १५ हजार रुपैया सहयोग प्रदान गर्नुभएको छ । उहांहरुको यस सहयोगले हामीलाई थप उर्जा थपेको छ । सहयोग प्रति उहांलाई हार्दिक धन्यवाद दिन चाहान्छौं ।