Miss You Nepal

भक्तपुर बालकोट स्थई घर भई हाल परिवार सहित दोहा कतारमा रहनुभएका राज खत्रीले आफ्नो श्रीमती नमिता खत्रीको जन्मदिनको अवसरमा एकिकृत नमुना मुसहर बस्ती निर्माणका लागि धुर्मुस सुन्तली फाउण्डेशनलाई ५ हजार ५ सय ५५ रुपैया सहयोग पठाउनु भएको छ । उहांहरुको यस सहयोग प्रति हामी निकै कृतज्ञ छौं । उहांको श्रीमती नमिता खत्रीलाई हाम्रो हाम्रो तर्फबाट पनि जन्मदिनको शुभकामना ।

भोजपुर चम्पे, ५ मा जन्मिनुभएका निर्मल आले हाल बैदेशिक रोजगारीका क्रममा साउदी पुग्नुभएको छ । समाज सेवामा रुची राख्ने उहाँले आफ्नो बुवा राजकुमार आले, ममि गीता आले, भाई कुशल आले र दिदिहरु खिमा आले, रेनुका आले र बिष्णु सापकोटाको नाममा एकिकृत नमुना मुसहर बस्ती निर्माणका लागि धुर्मुस सुन्तली फाउण्डेशनलाई ४० हजार ४ सय ४० रुपैया सहयोग पठाउनु भएको छ । उहांको यस सहयोगले हामीलाई थप उर्जा थपेको छ । सहयोग प्रति उहांलाई हृदय देखिनै धन्यवाद दिन चाहान्छौं । उहांले यसअघिको हाम्रो परियोजना गिरान्चौर एकिकृत नमुना बस्तीका लागि पनि ५० हजार रुपैया सहयोग प्रदान गर्नुभएको थियो ।

जर्मनीमा रहेको नेपालीहरुको एक समुह नेपाली समाज हेनओभर जर्मनी, जसले एकिकृत नमुना मुसहर बस्ती निर्माणका लागि धुर्मुस सुन्तली फाउण्डेशनलाई १ लाख ११ हजार १ सय ११ रुपैया सहयोग प्रदान गनुभएको छ । यस सहयोगले बिदेशमा रहेका नेपालीहरुको समुह पनि देश बिकाश भएको देख्न र हेर्न चाहने कुराको प्रमाण दिएको छ । सहयोगका लागि नेपाली समाज हेनओभरका सम्पुर्ण सहयोगी मनहरुलाई हृदय देखिनै आभार प्रकट गर्न चाहान्छौं । तपाईहरुको यस सहयोगले हामीलाई थप उर्जा र हौसला प्राप्त भएको छ ।