Miss You Nepal

'तपाईले जतिनै कमाएपनि आफुलाई पुग्दैन्, बरु थोरै सहयोग कसैलाई गरे उनिहरुलाई केहि राहत पुग्न सक्छ'। यस्तै शब्दका भावसहित भरतपुर ५, शिबघाट चितवन स्थाई घर भएका रामहरी हड्खोले युएईको शारजहाबाट आफ्ना स्वर्गिय बुबा रत्न बहनदुर हड्खोले प्रति सम्मान र सम्झना स्वरुपमा आफ्नी आमा देउकुमारी हड्खले र आफ्नो तर्फबाट एकिकृत नमुना मुसहर बस्ती निर्माणका लागी धुर्मुस सुन्तली फाउण्डेसनलाई २० हजार २५ रुपैया सहयोग पठाउनु भएको छ । उहांको यस सहयोग प्रति हार्दिक धन्यवाद दिदै, सधै सहयोगी भावना रहिरहोस, कामना गछौ ।

अभाव त त्यतिबेला हुन्छ, जतिबेला नेपाल बाहिर रहेर पनि नेपाली माया खोजिन्छ । त्यति नेपाली माया र नेपाल प्रतिको सद्भावले हामीलाई देशको निर्मँणमा हातेमालो गर्न सुझाउछ । बाणगंगा नगरपालीका मनोहरापुर कपिलबस्तु स्थाई घर भएका टिका भण्डारी हाल बैदेशिक रोजगारीका लागी दोहा कतारमा हुनुहुन्छ । उहांले आफ्नो हजुरबुबा राम भण्डारी र हजुरआमाहरु देवकुमारी भण्डारी र कलावती भण्डारीको सम्झनामा सरस्वती पुजाको दिन केहि असल काम गर्ने मनसाय बनाउदै एकिकृत नमुना मुसहर बस्ती निर्माणका लागी धुर्मुस सुन्तली फाउण्डेसनलाई ६ हजार १ सय ५८ रुपैया ८३ पैसा सहयोग पठाउनु भएको छ । उहांको यस सहयोग प्रति हामी निकै खुसी छौ ।

बिश्वका कुनै पनि देशमा नेपालीहरु कोहि राजेगारीका क्रममा पुग्छन् त कोहि अध्ययनका लागी । तर पनि उनिहरु हरेक देशमा समुह गठन गदै नेपाली निर्माण कार्यमा सहभागी हुदै आईरहनु भएको छ । त्यस्तै एक समुह सेक्रेट शान्टा मार्फत संकलीत केहि सहयोग न्युजिल्याण्डको क्राईस्ट चर्चबाट एन.एन.जेट.एफ.एस.सी(NNZFSC) सोसाईटीले एकिकृत नमुना मुसहर बस्ती निर्माणका लागी प्रदिप रुपाखेतीको माध्यमबाट धुर्मुस सुन्तली फउण्डेसनलाई पठाउनुभएको ३८ हजार रुपैया हामिले प्राप्त गरेका छौ । उहांहरुको यस सहयोग प्रति एन.एन.जेट.एफ.एस.सी(NNZFSC) सोसाईटी र सहयोग हामिसम्म ल्याउन सहयोग गर्नुहुने प्रदिप रुपाखेती प्रति हामी निकै नतमष्तक छौ ।